- सबिना सिन्धु
सम्भावनाको भविष्य लम्कँदै
जिन्दगीको खाता पल्टाउँदैछे
समयको परिशिष्ट भित्र
जोडफल र योगफलको
अङ्कगणितमा बाँधिएकी
तन्नेरी मोनालिसा ।
जागि्रत मोनालिसा हाँसेर
बग्दैछे माथि छहराबाट
हामफाल्न तयार भएको
झरनाको श्वेत पानी झैं ।
आवश्यकताका सूचनाहरु पढ्दै
आकृतिहरुकी मोनालिसा
दियोमा बल्दै छे
सतीमा होमिएको
एक जिउँदो लाश भएर
……म र म जस्तै
एक तन्नेरी मोनालिसा ।
- साभार
'सुर्योदयको क्यानभास' कविता सङ्ग्रह २०६१ बाट
